Usı jıl 2-aprel kúni Oliy Majlis Senatı Baslıǵı Tanzila Norboeva Parlamentleraralıq awqamnıń sekretariyatı Gender máseleleri hám jaslar boyınsha baǵdarlamalardıń basshısı Zeyna Hilal menen ushırastı.

Sáwbetlesiw dawamında mámleketimizde gender teńlikti támiyinlewge qaratılǵan reformalar alıp barılıp atırǵanı hám onda parlament áhmiyetli rol atqaratuǵını ayrıqsha atap ótildi.
Ushırasıwda tárepler elimizde ótkeriliwi rejelestirilgen Parlamentleraralıq awqamnıń 150-yubiley assambleyası sheńberinde hayal-qızlardıń jámiyetlik belsendiligin arttırıw hám gender teńlikke baylanıslı máselelerge baǵıshlanǵan forumlardı ótkeriwge tayarlıq processlerin dodaladı.
Atap ótilgenindey, parlament hám mámleketlik uyımlar arasındaǵı birge islesiwdi bekkemlew, hayal-qızlardıń huqıqları hám imkaniyatların keńeytiw, olardıń sociallıq hám ekonomikalıq belsendiligin arttırıwǵa qaratılǵan ilajlardı ámelge asırıw, sonday-aq, gender teńlikti támiyinlewde parlamenttiń ornı áhmiyetli bolıp esaplanadı.
Sáwbetlesiw juwmaǵında eki tárepleme birge islesiwdi jáne de bekkemlew hám keleshekte hayal-qızlar hám jaslar ushın jańa imkaniyatlardı jaratıw boyınsha ámeliy qádemler haqqında kelisip alındı.

Qaraqalpaqstan xabar agentligi