Samarqand qalasında 3-4-aprel kúnleri «Oraylıq Aziya – Evropa Awqamı» birinshi sammiti bolıp ótedi.

Búgin, 2-aprel kúni usı sammit jumısında qatnasıw ushın Evropa komissiyası Prezidenti Ursula fon der Lyayen mámleketimizge keldi.
Joqarı mártebeli miymandı Samarqand xalıqaralıq aeroportında Ózbekstan Respublikası Bas ministri Abdulla Aripov hám basqa rásmiyler kútip aldı.
Ózbekstan Respublikası Prezidenti Shavkat Mirziyoevtiń basshılıǵında ótetuǵın sammitte Oraylıq Aziya mámleketleri hám Evropa Awqamı arasındaǵı kóp táreplemeli qatnasıqlar hám ámeliy birge islesiwdi rawajlandırıw perspektivaları kórip shıǵıladı.
Esletip ótemiz, búgin usı sammitte qatnasıw ushın Evropa keńesi Prezidenti Antoniu Koshta da Samarqandqa kelgen edi.

I.Avvalboev, R.Nazarmatov, O.Mirsoatov (súwret), ÓzA