Usı jıldıń 29-30-aprel kúnleri Ázerbayjan paytaxtı Baku qalasında «Made in Turon» xalıqaralıq kórgizbesi shólkemlestiriledi.

«Óztoqımashalıqsanaat» associaciyası málimleme xızmetiniń xabar beriwinshe, bul ilajda toqımashılıq sanaatında sawda hám birge islesiw baylanısların rawajlandırıw, isbilermenler arasında sheriklikti keńeytiw hám perspektivalı joybarlar dodalanadı.
Kórgizbe túrkiy dúnya toqımashılıq miyrası hám zamanagóy baǵdarlardı birlestiriw menen birge tarawdaǵı keyingi innovaciyalardı kórsetedi. Oǵan Ózbekstan, Qazaqstan, Túrkiya, Túrkmenstan, Qırǵızstan, Rossiya, Pakistan, Hindstan, Saudiya Arabstanı, Qatar, Kuveyt, Vengriya, Yaponiya sıyaqlı mámleketlerden toqımashılıq tarawı qánigeleri, dizaynerler hám isbilermenler qatnasadı.
Ilaj sheńberinde joqarı lawazımlı adamlar hám jetekshi ekspertlerdiń shıǵıwları, toqımashılıq brendleriniń prezentaciyaları, V2V ushırasıwları hám biznes sóylesiwleri, dógerek sáwbetleri hám tematikalıq konferenciyalar shólkemlestiriledi. Bunnan tısqarı, eksklyuziv biznes ekskursiyalar arqalı qatnasıwshılar tarawdaǵı aldıńǵı tájiriybeler menen jaqınnan tanısıw imkaniyatına iye boladı.

N.Ziyodullaeva, ÓzA