2027-jıl 1-yanvardan baslap kórkem óner wákillerinen dáramat salıǵı májbúriy tártipte óndiriledi. Bul haqqında Salıq komiteti baslıǵınıń birinshi orınbasarı Mubin Mirzaev málim etti.

«Kórkem óner wákillerine 2025 hám 2026-jılları dáramatlar deklaraciyasın durıslap, tapsırıw boyınsha imkaniyat beremiz. 2027-jıl 1-yanvardan baslap eger olar óz dáramatların tolıq kórsetpese yamasa salıqlardan qashsa, biz salıq qadaǵalawı tekseriwlerin ótkerip, salıqlardı esaplaymız hám óndiremiz»,-deydi Salıq komitetiniń rásmiy qánigesi.
Mubin Mirzaevtiń sózlerine bola, kórkem óner wákilleri hám qosıqshılar, qaǵıyda boyınsha deklaraciya toltırıw hám óz dáramatların kórsetip, usı tiykarda salıqqa tartılıwı kerek. Biraq, júdá kóp kórkem óner wákilleri oǵan ámel etpey atır. Óz dáramatların tolıq deklaraciyalamay atır.
Atap ótiliwinshe, házir jasırın ekonomikaǵa qarsı gúresiw sheńberinde kórkem óner wákillerin salıqqa tartıwdı názerde tutıwshı qarar joybarın tayarlaw processleri alıp barılmaqta.