Ózbekstan Respublikası Prezidenti janındaǵı Mámleketlik basqarıw akademiyasına Qıtay Xalıq Respublikası Kommunistlik partiyası Oraylıq komitetiniń aǵzası, Xalıqaralıq qatnasıqlar bólim baslıǵı Lyu Czyanchao basshılıǵındaǵı delegaciya keldi.

Ózbekstan Respublikası Prezidentiniń arnawlı tapsırmaları boyınsha másláhátshisi Sardor Umurzaqov penen ushırasıw aldında hár eki mámleket basshılarınıń óz-ara isenim hám doslıq qatnasıqları sebepli Ózbekstan hám Qıtay arasındaǵı birge islesiw strategiyalıq dárejege kóterilgeni ayrıqsha atap ótildi.
Mámleketlik xızmetkerlerdiń mamanlıǵın arttırıw baǵdarındaǵı eki tárepleme birge islesiwge ayrıqsha itibar qaratıldı.
Óz gezeginde, Lyu Czyanchao eki tárepleme qatnasıqlarda erisilgen jetiskenliklerdi joqarı bahalap, Qıtay tárepi Ózbekstan menen barlıq tarawlarda, sonıń ishinde, mámleketlik xızmetkerlerdiń mamanlıǵın arttırıw baǵdarındaǵı jedel birge islesiwdi dawam ettiriwge tayar ekenligin bildirdi.
Soń, Akademiyanıń májilisler zalında professor-oqıtıwshılar hám tıńlawshılardıń qatnasıwında bolıp ótken sóylesiw dawamında jıynalǵanlarǵa Ózbekstan- Qıtay qatnasıqları hám óz-ara birge islesiw haqqında tolıq maǵlıwmat berildi.

N.Abduraimova, ÓzA