«Energiya nátiyjeliligin arttırıw tarawında mámleketlik basqarıwdı jetilistiriw hám energiya servis kompaniyaları xızmetleriniń bazarın rawajlandırıw ilajları haqqında»ǵı Prezident pármanı qabıl etildi.

Pármanǵa tiykarlanıp, Ministrler Kabineti janında Energiya nátiyjeliligi milliy agentligi (Agentlik) shólkemlestiriledi.
Energiya nátiyjeliligin arttırıw tarawında birden-bir mámleketlik siyasattı alıp barıw, tarawda qollap-quwatlawshı hám tásir etiwshi ilajlar islep shıǵıw hám tártipke salıw Agentliktiń tiykarǵı wazıypalarınan biri etip belgilendi.
2025-jıl 1-iyulden xalıqtıń turaq jaylarınıń energiya auditin ótkeriw qárejetleri hám quyash panelleri hám geliokollektorlar bahasınıń 20 procenti hám ıssılıq nasosları (hawa, suw hám geomertal) bahasınıń 40 procentin, biraq BEMniń 50 esesinen aspaǵan muǵdarda qaplaw ushın Agentlik tárepinen subsidiya ajıratıladı.
2025-jıl 1-sentyabrge shekem Energiya nátiyjeliligin arttırıw sanlı platforması iske qosıladı.
Agentlik janında byudjetten tısqarı Energiya nátiyjeliligin xoshametlew hám qollap-quwatlaw qorı shólkemlestiriledi.
2025-jıl 1-oktyabrge shekem islep shıǵarıwshılar hám import etiwshiler ushın texnologiyalar energiya nátiyjeliliginiń «jasıl» standartları engiziledi.

ÓzA