Usı jılı 25-martta «Mámleketlik bajıxana uyımlarınıń jumısın shólkemlestiriw hám bajıxana hákimshiligin jáne de jetilistiriwdiń qosımsha ilajları haqqında» Prezident qararı qabıl etildi.

Qararǵa muwapıq, 2025-jılı bajıxana tarawın rawajlandırıw maqsetinde tarawǵa jasalma intellekt texnologiyaları engiziledi, bajıxana uyımlarınıń málimleme sistemaları jetilistiriledi hám nátiyjeliligi arttırıladı, bajıxana uyımlarınıń shólkemlestiriw strukturaları optimallastırıladı.
Bajıxana komiteti sistemasında Bajıxana rásmiylestiriwi orayı shólkemlestiriledi. Onda aymaqlıq basqarmalardıń aralıqtan elektron deklaraciyalaw bajıxana postları basqıshpa-basqısh saplastırıladı. Bajıxana komiteti quramında bajıxana tarawına jasalma intellekt texnologiyaların engiziwge qánigelesken struktura shólkemlestiriledi.
Struktura jasalma intellekt texnologiyaları tarawında rawajlanǵan sırt ellerdiń tájiriybelerin úyreniw, bajıxana qadaǵalawı hám rásmiylesteriwin qamtıp alǵan jasalma intellekt texnologiyaların izertlew, olardıń nátiyjeli islewin támiyinlew hám turaqlı túrde sapa jaǵınan jańa basqıshqa alıp shıǵıw ilajları kóriledi. Bajıxana tarawına jasalma intellekt texnologiyaların engiziwge qánigelesken Bajıxana komitetiniń Málimleme-kommunikaciya texnologiyaları hám kiberqáwipsizlikti támiyinlew basqarması quramında «Jasalma intellekt texnologiyaların izertlew bólimi» shólkemlestiriledi.
Bólim bajıxana uyımlarında jasalma intellekt texnologiyaların engiziw boyınsha joybar menedjeri bolıp esaplanadı. Jasalma intellekt texnologiyaları tarawında rawajlanǵan sırt ellerdiń tájiriybelerin úyreniw bóliminiń tiykarǵı wazıypası bolıp esaplanadı. Bajıxana qadaǵalawı hám rásmiylestiriwin qamtıp alǵan jasalma intellekt texnologiyaların izertlew, olardıń nátiyjeli islewin támiyinlew hám turaqlı túrde sapa jaǵınan jańa basqıshqa alıp shıǵıw ilajları kóriledi.
Bul baǵdarda jergilikli hám xalıqaralıq qánigeler hám rawajlanǵan sırt eller menen ilimiy hám ámeliy tájiriybe almasıw boyınsha birge islesiw, jasalma intellekt texnologiyaların sınaqtan ótkeriw hám ámeliyatqa engiziw belgilendi. Bajıxana tarawına jasalma intellekt texnologiyaların engiziw hám jetilistiriw maqsetinde Bajıxana komiteti baslıǵınıń jasalma intellekt texnologiyaların engiziw boyınsha másláhátshisi lawazımı engiziledi.

Sh.Mamaturopova, ÓzA