Oliy Majlis Senatına Qıtay Xalıq Respublikası Kommunistlik partiyası Oraylıq komitetiniń aǵzası, Xalıqaralıq baylanıslar bóliminiń baslıǵı Lyu Czyanchao basshılıǵındaǵı delegaciya keldi.

Senat Baslıǵı Tanzila Norboeva menen ushırasıwda eki mámleket basshılarınıń óz-ara isenim hám doslıq qatnasıqları sebepli Ózbekstan hám Qıtay arasındaǵı birge islesiw strategiyalıq dárejege kóterilgeni ayrıqsha atap ótildi.
Investiciya, sawda-ekonomikalıq, mádeniy-gumanitarlıq, bilimlendiriw tarawlarındaǵı joybarlar dodalandı. Eki mámleket aymaqları arasındaǵı birge islesiwdi tereńlestiriwge ayrıqsha itibar qaratıldı.
Sonday-aq, tárepler Ózbekstan hám Qıtay arasındaǵı strategiyalıq sheriklikti jáne de rawajlandırıw hám parlamentleraralıq baylanıslardı tereńlestiriw máselelerin de dodaladı. Ushırasıwda eki tárepleme qatnasıqlardı bekkemlewdiń áhmiyetli mexanizmi sıpatında parlamentler arasında óz-ara birge islesiw áhmiyetli ekenligi atap ótildi.
Tashkentte bolıp ótetuǵın Parlamentleraralıq awqamnıń 150-yubiley assambleyası sheńberindegi eki tárepleme ámeliy birge islesiwdiń perspektivaları boyınsha pikir alısıldı.
L.Czyanchao eki tárepleme qatnasıqlarda erisilgen tabıslardı joqarı bahalap, Qıtay tárepi Ózbekstan menen barlıq tarawlarda, sonıń ishinde, ekonomika, mádeniyat, turizm hám bilimlendiriw tarawlarında jedel birge islesiwdi dawam ettiriwge tayar ekenligin bildirdi.
Ushırasıw sońında tárepler eki mámleket arasındaǵı strategiyalıq sheriklik qatnasıqların jáne de bekkemlew, sonday-aq, ulıwma strategiyalıq maqsetlerdi ámelge asırıwda áhmiyetli orın iyeleytuǵın parlamentleraralıq baylanıslardı tereńlestiriwdi isenimli túrde dawam ettiretuǵının tastıyıqladı.

N.Abduraimova,
ÓzA