Ózbekstan Respublikası Prezidenti Shavkat Mirziyoev hám Túrkiya Respublikası Prezidenti Rejep Tayyip Erdoǵan 30-mart kúni bolıp ótken telefon arqalı sóylesiwde pútkil musılman úmmetti ushın muqaddes bolǵan Ramazan hayıtı múnásibeti menen bir-birlerin qızǵın qutlıqladı. Mámleket basshıları tuwısqan xalıqlarımızǵa tınıshlıq, abadanshılıq hám rawajlanıw tiledi.

Ózbekstan-Túrkiya keń kólemli strategiyalıq sheriklik qatnasıqların jáne de rawajlandırıw hám bekkemlewdiń áhmiyetli máseleleri kórip shıǵıldı.
Barlıq dárejelerde jedel sóylesiwler dawam etip atırǵanı úlken qanaatlanıwshılıq penen atap ótildi. Tovar almasıw hám investiciyalardıń kólemi, birgeliktegi joybar hám kárxanalardıń sanı, tikkeley aviaqatnawlar kóbeymekte.
Joqarı dárejedegi Strategiyalıq birge islesiw keńesiniń bolajaq gezektegi májilisi hám Túrkiy mámleketler shólkeminiń rejedegi sammitine tayarlıq kóriwge ayrıqsha itibar qaratıldı.
Ózbekstanda bolajaq Húkimetleraralıq komissiya májilisi hám birgeliktegi biznes forumın, sonday-aq, Túrkiya Ullı millet májilisi delegaciyasınıń Parlamentleraralıq awqam Assambleyasınıń 150-sessiyasında qatnasıw ushın saparın nátiyjeli ótkeriw áhmiyetli ekenligi atap ótildi.
Mámleket basshıları xalıqaralıq áhmiyetke iye tiykarǵı máseleler boyınsha da pikir alıstı.

ÓzA