Ramazan ayı múnásibeti menen «Syahadah» arnawlı baǵdarlaması sheńberinde Malayziya telekanalları Ózbekstanǵa baǵıshlanǵan 10 bólimli hújjetli filmin kórsetip basladı.

Joybar bay tariyxıy-mádeniy miyrasımız, mámleketimizdiń islam civilizaciyasın rawajlandırıwǵa qosqan úlesi, sonday-aq, dekorativlik-ámeliy kórkem óner hám ónermentshilikke baylanıslı teńsiz dástúrlerdi ashıp beredi. Bul processte sırt el turistleriniń aǵımın arttırıwǵa járdem beretuǵın zamanagóy turistlik hám transport infrastrukturasına ayrıqsha itibar qaratılǵan.
Kartina 2024-jılı “Radio Televisyen Malaysia” (RTM) mámleketlik teleradiokompaniyası dóretiwshilik toparı tárepinen Tashkent, Samarqand, Buxara, Ferǵana hám Xorezm wálayatlarında súwretke alınǵan.
Malayziyadaǵı elshixanamızdıń baslaması menen Turizm komiteti járdeminde ámelge asırılǵan bul joybar Ózbekstannıń Islam civilizaciyası orayı sıpatındaǵı imidjin bekkemlew, mámlekette turistlik aǵımın kúsheytiwge xızmet etedi.

Aziza Alimova, ÓzA