Ózbekstan texnologiyalıq metallar kombinatı (ÓzTMK) volfram sanaatınıń eń abıraylı shólkemi – Xalıqaralıq volfram sanaatı associaciyası (ITIA)nıń tolıq aǵzasına aylandı.

Ózbekstannıń ITIAǵa aǵzalıqqa qabıl etiliwi elimizdiń volfram sanaatındaǵı potencialı xalıqaralıq kólemde tán alınǵanınıń ayqın dálili bolıp tabıladı. ÓzTMK usı shólkemge qosılıw arqalı jáhán volfram sanaatınıń turaqlı qatnasıwshısına aylandı. Aǵzalıq bolsa ÓzTMKǵa global bazar maǵlıwmatları hám tallawlarınan paydalanıw, statistikalıq esabatlardı alıw hám iri xalıqaralıq ilajlarǵa qatnasıw imkaniyatın beredi.
Xalıqaralıq volfram sanaatı associaciyası volfram qazıp alıw, qayta islew hám tutınıw bazarların tereń tallaw, tarawǵa sanlı hám analitikalıq qatnaslardı engiziw, sonday-aq, ilimiy izertlewler hám turaqlı sheshimlerdi alǵa qoyıw menen shuǵıllanadı. Búgingi kúnde ITIA Yaponiya, Germaniya, Avstriya sıyaqlı texnologiyalıq jetekshi mámleketlerdiń iri kompaniyaları hám ilimiy orayların óz átirapına birlestirgen.

ÓzA