2025-jıl 1-aprelden baslap farmacevtika ónimleriniń sawdası menen shuǵıllanıwshı yamasa medicinalıq xızmet kórsetiwshi yuridikalıq táreplerdiń barlıǵı QQS tólewshisi boladı.

Bul processte salıq uyımları Onlayn-NKT, EEF hám basqa da sırtqı hám ishki maǵlıwmatlar tiykarında QQS esabatların avtomat túrde qáliplestiredi.
Bul tártip Salıq kodeksiniń 2- hám 75-statyalarına tiyisli ózgerisler kirgizilgennen soń ámeliyatqa engiziledi.
Ámeldegi nızamshılıqqa bola, farmacevtika ónimlerin satıwshı yamasa medicinalıq xızmetler kórsetiwshi yuridikalıq tárepler ushın QQS hám payda salıǵı dáramat 1 milliard sumnan kóp bolǵan jaǵdayda ǵana alınadı.
Salıq tólewshiler qatań belgilengen summada aylanıstan alınatuǵın salıqtı tólewge haqılı ekenligin atap ótiw kerek.

Qaraqalpaqstan xabar agentligi