Ózbekstan Respublikası Oliy Majlisi Senatı Baslıǵı Tanzila Norboeva Avstriyanıń Ózbekstandaǵı Ayrıqsha hám tolıq huqıqlı elshisi Mattias Radostich, Koreya Respublikasınıń Ózbekstandaǵı Ayrıqsha hám tolıq huqıqlı elshisi Von Do Yon hám Evropada qáwipsizlik hám birge islesiw shólkemi (EQBSh)niń Ózbekstandaǵı joybarlar koordinatorı Antti Karttunen menen ushırastı.
Avstriyanıń Ózbekstandaǵı Ayrıqsha hám tolıq huqıqlı elshisi Mattias Radostich penen ushırasıwda sawda-ekonomikalıq, mádeniy-gumanitarlıq birge islesiwdi jáne de bekkemlew, sonıń ishinde, ilim hám bilimlendiriw tarawında tájiriybe almasıw, studentler ushın oqıw baǵdarlamaların engiziw máseleleri dodalandı.
Avstriya Federal keńesi Prezidenti Andrea Eder-Gitshtalerdiń Ózbekstanǵa bolajaq saparı hám onıń parlamentleraralıq qarım-qatnas hám mámleketleraralıq qatnasıqlardı rawajlandırıwdaǵı áhmiyeti haqqında pikir alısıldı.
Avstriya parlamenti wákilleriniń Parlamentleraralıq awqamnıń 150-yubiley assambleyasında qatnasıwǵa úlken qızıǵıwshılıq bildirip atırǵanı atap ótildi.
Tárepler eki tárepleme birge islesiwdi jáne de rawajlandırıw hám belgilengen baslamalardı ámelge asırıwǵa tayar ekenin bildirdi.
Koreya Respublikasınıń Ózbekstandaǵı Ayrıqsha hám tolıq huqıqlı elshisi Von Do Yon menen ushırasıwda óz-ara birge islesiw strategiyalıq sheriklik dárejesine kóterilgeni atap ótilip, keleshektegi joybarlar haqqında sóz etildi.
Bilimlendiriw, densawlıqtı saqlaw, sawda, ekonomika hám investiciya joybarların jáne de keńeytiw, bul baǵdarda aymaqlararalıq birge islesiwdi rawajlandırıw boyınsha pikir alısıldı.
Parlamentleraralıq qarım-qatnastı bekkemlew, doslıq toparlarınıń jumısın jedellestiriw hám keń kólemdegi birgeliktegi ilajlardı shólkemlestiriw máseleleri de dodalandı.
Parlamentleraralıq awqamnıń 150-yubiley assambleyası nátiyjeli bolıwında Koreya parlamenti delegaciyası da óz úlesin qosatuǵınına isenim bildirildi. Eki mámleket arasındaǵı óz-ara paydalı birge islesiw baylanısların jáne de rawajlandırıwǵa kelisip alındı.

N.Abduraimova, ÓzA