Nókis Olimpiya xam Paralimpiya sport túrlerine tayarlaw orayı stadionında futbol boyınsha «Úmit nálsheleri – 2025» sport jarısınıń Qaraqalpaqstan Respublikalıq basqıshı bolıp ótti.

Oǵan usı jarıstıń aymaqlıq basqıshlarında jeńimpaz bolǵan jas futbolshılar qatnastı.
Jas óspirim futbolshılarımızdıń talantın júzege shıǵarıw hám olardıń oyın sheberliklerin arttırıwǵa xızmet etken bellesiwler juwmaǵında, Qaraózek rayonı komandası barlıq qarsılasların jeńip shıǵıp, jarıstıń Ózbekstan Respublikası basqıshı jollamasın qolǵa kirgiziwge miyasar boldı.
Al, Nókis hám Moynaq rayonları komandaları sıylı ekinshi hám úshinshi orınlardı iyelewge eristi.
Jarıs juwmaǵında, jeńimpaz komandalar arnawlı diplom, medal hám kuboklar menen sıylıqlandı.

Adilbay Orazov,
Qaraqalpaqstan xabar agentligi sholıwshısı