27-28-mart kúnleri Evropa Awqamınıń Sırtqı isler hám qáwipsizlik siyasatı boyınsha joqarı wákili, Evropa Komissiyası vice-prezidenti Kaya Kallas Túrkmenstan, Ózbekstan hám Qazaqstanǵa sapar shólkemlestiredi. Bul haqqında shólkemniń mámleketimizdegi wákilxanasınıń málimleme xızmeti xabar berdi.

Joqarı mártebeli miyman dáslep Ashxabadta Qırǵızstan, Tájikstan, Túrkmenstan, Ózbekstan hám Qazaqstan wákilleriniń qatnasıwında bolıp ótetuǵın EA-Oraylıq Aziya ministrler ushırasıwına basshılıq etedi. Bul ilajda xalıqaralıq geosiyasiy jaǵdaydıń regionǵa tásiri, transport hám sanlı óz-ara baylanıslılıq, strategiyalıq shiyki zat, energetika hám suw resursları, sawda, bilimlendiriw hám izertlew máseleleri dodalanadı.
Usı kúni EA wákili menen baspasóz ánjumanı rejelestirilgen.
Sapar sheńberinde Kaya Kallastıń Ózbekstan hám Qazaqstanǵa da keliwi kútilmekte.

N.Ziyodullaeva, ÓzA