Ózbekstan sırtqı isler ministriniń másláhátshisi Munira Aminova Avstriyanıń elimizdegi Ayrıqsha hám tolıq huqıqlı elshisi Mattias Radostich penen ushırasıp, eki tárepleme birge islesiwdiń áhmiyetli táreplerin dodaladı. Bul haqqında Ózbekstan SIM baspasóz xızmeti xabar bermekte.

Óz-ara sóylesiw waqtında tárepler investiciyalıq joybarlardı ámelge asırıw, bilimlendiriw hám miynet migraciyası tarawında birge islesiw sıyaqlı máselelerge toqtap ótti. Sonday-aq, viza rejimin ápiwayılastırıw, texnikalıq hám grant járdemleri kólemin keńeytiw, birgeliktegi ilajlar ótkeriw perspektivaları dodalaw orayında boldı.
Ushırasıw qatnasıwshıları mámleketlerimiz arasındaǵı qatnasıqlardıń unamlı dinamikasın atap ótip, bolajaq eki tárepleme ilajlar sheńberinde birge islesiwdi jáne de rawajlandırıwǵa tayar ekenligin bildirdi.

A.Alimova, ÓzA