Oraylıq banktiń Bank qadaǵalawı komiteti tárepinen 2025-jıldıń fevral ayındaǵı májilislerinde 43 másele kórip shıǵıldı hám tiyisli qararlar qabıl etildi.

Dizimge alıw hám ruqsat beriw baǵdarında 31 másele, sonıń ishinde, kredit shólkemleri ustavına kirgizilgen ózgerislerdi dizimnen ótkeriw (8), jańadan ashılıp atırǵan mikroqarjı shólkemlerin esap diziminen ótkeriw (3) kredit shólkemleriniń ustav fondındaǵı úlesine iyelik etiw ushın ruqsat beriw (5), wákilxana ashıwǵa ruqsat beriw (1), kommerciyalıq banklerdiń baqlaw keńesi hám basqarıwı aǵzaları hám ayrıqsha áhmiyetke iye xızmetkerleriniń kandidaturaların kórip shıǵıw (13) menen baylanıslı máseleler kórip shıǵılǵan.
Bunnan tısqarı, kredit shólkemleriniń qarjı jaǵdayına baylanıslı 12 másele – Oraylıq banktiń kórsetpeleri hám prudencial normaları talaplarınıń orınlanıwı, kommerciyalıq banklerde ótkerilgen úyreniw nátiyjeleri de dodalandı.
Oraylıq bank tárepinen ótkerilgen úyreniwler nátiyjesinde, anıqlanǵan kemshilikler, sonıń ishinde, Oraylıq bank kórsetpeleri hám nızamshılıq talaplarına ámel etpegeni ushın 3 bank ilaj hám sankciyalar qollanıwı haqqında eskertildi. Sonday-aq, ámeldegi nızamshılıq, Oraylıq bank tárepinen ótkerilgen úyreniw hám inspekciya tekseriwleri dawamında anıqlanǵan qaǵıydabuzıwshılıqlar ushın 5 bankke járiyma sankciyası qollandı.

Sh.Mamaturopova, ÓzA