Ózbekstanda jol háreketi qaǵıydabuzıwshılıqların járiyma balları tiykarında bahalaw tártibi engizilmekte.
Bul boyınsha járiyalanǵan Húkimet qararınıń joybarına bola, on eki ay dawamında jol háreketi qaǵıydaların buzbaǵan transport qurallarınıń aydawshılarına xoshametlew túrinde, keyingi dáwirde jol háreketi qaǵıydaların birinshi márte buzǵanlıǵı ushın birinshi járiyma balı esaplanbaydı.
Sonday-aq, aydawshılardıń aqırǵı huqıqbuzıwshılıǵı ushın járiyma balı esaplanǵan waqıttan baslap, olar altı ay dawamında jol háreketi qaǵıydabuzıwshılıqlarına baylanıslı basqa huqıqbuzıwshılıq islemegen jaǵdayda, onıń ulıwmalıq járiyma ballarınan eki járiyma balı ayırıp taslanadı. Eger aydawshılar járiyma ballarınıń ulıwma muǵdarı eki járiyma balınan az bolǵan jaǵdayda, barlıq járiyma balları ayırıp taslanadı hám járiyma balların esaplaw múddeti birinshi huqıqbuzıwshılıq islengen waqıttan jańadan baslanadı.
Qaraqalpaqstan xabar agentligi