– 2020-2025-jıllarda Ázerbayjan hám Ózbekstan qatnasıqları unamlı strategiyalıq rawajlanıw procesin bastan ótkermekte. 2017-jıldan berli mámleketimizdiń ekonomikasın ashıq, bazar mexanizmine baǵdarlaw baǵdarındaǵı reformalardıń nátiyjesinde, eki mámleket arasındaǵı ekonomikalıq qatnasıqlar sezilerli dárejede bekkemlendi.
– Qatnasıqlardıń rawajlanıwı óz-ara tovar almasıw kóleminiń ósiwi, energetika, infrastruktura, awıl xojalıǵı hám toqımashılıq sanaatı sıyaqlı tarawlardaǵı birge islesiwdiń keńeyiwinde kózge taslandı, – deydi bul haqqında Ózbekstandaǵı Ázerbayjan milliy mádeniy orayınıń baslıǵı Mobil Mamedov. – 2021-jıl iyun ayında mámleketlerimiz arasında siyasiy almasıwdı kúsheytiw hám regionallıq qáwipsizlik tarawındaǵı birge islesiwdi rawajlandırıwǵa qaratılǵan strategiyalıq sheriklik haqqında kelisimge qol qoyılǵan. Usı hújjette transport-infrastruktura joybarlarına ayrıqsha itibar qaratılǵan. Máselen, Transkaspiy xalıqaralıq transport baǵdarı joybarı usılardıń qatarına kirip, ol Ázerbayjan portları hám temir jol tarmaǵınan paydalanıwdı jedellestiriw imkaniyatın berdi.
Mádeniy-gumanitarlıq qatnasıqlar da rawajlanbaqta. Studentlerdiń almasıwı jolǵa qoyılǵan, bilimlendiriw baǵdarlamaları ámelge asırılmaqta. Bul xalıqlarımızdıń jáne de birlesiwine úles qosadı.
Fuzuliy qalasında mekteptiń qurılısı eki el ázeliy doslıǵınıń ózine say simvolı bolıp esaplanadı. Ózbekstannıń bul baslaması áskeriy kelispewshilikten keyin regiondı qayta tiklewdi qollap-quwatlaw, jergilikli xalıqtıń bilimlendiriw imkaniyatın jaqsılawǵa qaratılǵan Birge islesiwimiz keleshekte jáne de bekkemlenetuǵını gúmansız.
Bir sóz benen aytqanda Ázerbayjan hám Ózbekstan arasındaǵı barlıq tarawlardı qamtıp alǵan strategiyalıq hám kóp táreplemeli birge islesiw barǵan sayın tereńlesip, eki tárepleme qatnasıqtı jáne de rawajlandırıw ushın bekkem tiykar bolmaqta.
Aziza Alimova, ÓzA