Tınısh okeanında jaylasqan kishkene mámleket – Nauru Respublikası Ózbekstan menen rásmiy túrde mámleketler aralıq baylanıstı jolǵa qoyǵan 159-mámleketke aylandı.

Birgeliktegi hújjetke Nyu-York qalasında saltanatlı túrde elimizdiń BMSh janındaǵı turaqlı wákili Ulıǵbek Lapasov hám onıń kásiplesi Lara Erab Daniel qol qoydı.
Tárepler xalıqaralıq shólkemler, sonıń ishinde, BMShtıń qánigelesken mákemeleri sheńberindegi sheriklikti bekkemlewge tayar ekenligin bildirdi. Sonday-aq, siyasiy, sawda-ekonomikalıq, mádeniy-gumanitarlıq baylanıslar menen baylanıslı óz-ara paydalı baǵdarlardı belgilep alıw ushın ulıwmalıq háreketti jedellestiriwge kelisip alındı.
Bul waqıya Ózbekstannıń sırtqı siyasiy baylanısların tereńlestiriw hám elimizdiń xalıqaralıq masshtabtaǵı qatnasıwın keńeytiw jolında áhmiyetli qádem bolıp tabıladı.
Esletip ótemiz, 21-fevral kúni Qubla Amerikadaǵı Surinam Respublikası menen de diplomatiyalıq qatnasıq jolǵa qoyılǵan edi.

Aziza Alimova tayarladı.
ÓzA