22-23-mart kúnleri Tashkent qalasında sporttıń Sambo túrinen veteran sportshılar arasında Ózbekstan chempionatı bolıp ótti.

CHempionatqa mámleketimizdiń barlıq aymaqlarınan kúshli palwanlar qatnasıp, jarıs jeńimpazlıǵı ushın óz-ara kúsh sınastı.
Keskin ótken bellesiwler juwmaǵında, qaraqalpaqstanlı sportshılar arasında J.Qaniyarov, R.Qalimbetov hám I.Qudiyarovlar óz salmaq kategoriyaları boyınsha birinshi orındı iyelep, Ózbekstan chempionı ataǵına miyasar boldı.
Al, N.Adilbaev, Z.Baljanov hám N.Dawletyarovlar gúmis, A.Usenov hám M.Tlepovlar sıylı qola medalın qolǵa kirgiziwge eristi.
Respublikamızdıń palwanların bul jarısqa belgili trener Sansızbay Yusupov tayarladı.

Qaraqalpaqstan xabar agentligi