Ózbekstan milliy saylandı komandası hám Angliyanıń «Manchester Siti» klubı qorǵawshısı Abduqodir Husanov 21-mart kúni «Jańa Ózbekstan» baǵında bolıp ótken Nawrız bayramı saltanatında qatnastı.

Ilaj sońında Abduqodir Husanov Ózbekstan Respublikası Prezidenti Shavkat Mirziyoevqa óziniń qol tańbası túsirilgen «Manchester Siti» formasın sawǵa etti.
Abduqodir Husanov usı kúnge shekem «Manchester Siti» qatarında Angliya Premer-ligası, Angliya kubogi hám Evropa CHempionlar ligasında jámi 8 oyında qatnasıp, bir gol urıwǵa eristi.
Sonday-aq, 20-mart kúni Qırǵızstan saylandı komandasına qarsı bellesiwde milliy saylandı komandamızdıń qatarında tabıslı oyın ótkerdi. 25-mart kúni bolsa saparda Iranǵa qarsı oyında qatnasıwı kútilmekte.
Maǵlıwmat ornında, jaqında «Transfermarkt» portalı APL futbolshılarınıń jańalanǵan transfer bahaların járiyalaǵan edi. Oǵan bola, Abduqodir Husanovtıń transfer bahası 35 million evroǵa jetip, birden 23 million evroǵa kóterildi. Nátiyjede ol Angliya Premer-ligasında bahası eń kóp kóterilgen futbolshılar arasında tórtinshi orındı iyeledi.

Javohir Toshxwjaev, ÓzA