Jańalanıw, jasarıw áyyyamı – Nawrız bayramına baǵıshlanıp ótkerilip atırǵan ilajlar Qaraqalpaqstan Respublikası Pedagogikalıq sheberlik orayında da kóterińkilik ruwxında bolıp ótti.

Ilaj «Qádiriyatlarıń máńgi bolsın, Nawrız!» súreni astında bayramǵa baǵıshlanǵan súmelek seyili menen baslandı.
Onda qatnasıwshılar shúlen qazan átirapına jámlenip, ulıstıń ullı kúni Nawrız bayramında xalqımızǵa tınıshlıq, tatıwlıq, awızbirshilik tilep, jaqsı niyetler menen súmelek taǵamın bılǵadı.
Súmelek seyilinde Pedagogikalıq sheberlik orayı direktorı Venera Bekmuratovanıń basshılıǵında oray jámááti hám tıńlawshılar qatnasıp, bayram qatnasıwshılarınıń quwanıshına sherik boldı hám ózleriniń jaqsı tileklerin bildirdi.
Bayram ilajında shıǵıp sóylewshiler jıl bası esaplanǵan Nawrız benen bársheni qızǵın qutlıqlap, bıyılǵı jıldıń xalqımız ushın jaqsı hám bereketli jıl bolıp keliwin tiledi.
Ulıwma xalıqlıq seyilge aylanǵan Nawrız bayramında pedagoglar tárepinen milliy taǵamlar hám buyımlar kórgizbesi, ata-babalarımızdan miyras bolıp kiyatırǵan úrp-ádet hám salt-dástúrlerimiz kórsetildi.
Ózleriniń eń jaqsı ónerlerin kórsetken kafedralar hám tıńlawshılarǵa Pedagogikalıq sheberlik orayı jámááti tárepinen múnásip túrde xoshametlendi.
Bayram ilajında xalqımızdıń milliy sport túrlerinen esaplanǵan tas kóteriw, arqan tartıs, jarıslar ótkerilip, jeńimpaz bolǵan sportshılar bahalı estelik sawǵaları menen sıylıqlandı.
Nawrız seyili yoshlı koncert baǵdarlaması menen kewilli dawam etti.

Qaraqalpaqstan xabar agentligi.