Oliy Majlis Senatı Baslıǵı Tanzila Norboeva YuNISEFtiń Ózbekstandaǵı wákilxanası basshısı Rexina Mariya Kastijio xanım menen ushırastı.

Sáwbet dawamında eki tárepleme birge islesiwdi jáne de rawajlandırıw, balalar hám jaslardıń huqıqların qorǵaw hám sociallıq qorǵaw sistemasın jetilistiriw máseleleri dodalandı.
Ushırasıwda atap ótilgenindey, Ózbekstanda balalardıń máplerin qorǵaw hám olardıń hár tárepleme rawajlanıwın támiyinlew baǵdarında izbe-iz reformalar ámelge asırılmaqta.
Atap aytqanda, bilimlendiriwdiń sapasın arttırıw, baslanǵısh medicinalıq járdem kórsetiw sistemasın jetilistiriw, inklyuziv ortalıqtı rawajlandırıw jáne jaslar hám jas óspirimlerdiń ruwxıy salamatalıǵın bekkemlewge qaratılǵan ilajlar úlken áhmiyetke iye.
Sonday-aq, ushırasıwda mekteplerde hám mektepke shekemgi bilimlendiriw shólkemlerinde sapalı bilimdi támiyinlew, balalar ushın sociallıq qorǵaw mexanizmlerin kúsheytiw hám qánigelerdiń mamanlıǵın arttırıw boyınsha birge islesiwdi jáne de keńeytiw máseleleri boyınsha pikir alısıldı.
Tárepler Ózbekstan hám YuNESEF arasındaǵı birge islesiwdi jańa basqıshqa alıp shıǵıwǵa, bar joybarlardı jáne de nátiyjeli ámelge asırıwǵa hám balalardıń huqıqların támiyinlewge qaratılǵan jańa baslamalardı alǵa qoyıw máselesinde birgelikte jumıs alıp barıwǵa kelisip aldı.
Ushırasıw juwmaǵında balalar hám jaslar ushın turaqlı rawajlanıw imkaniyatların jaratıw jolında óz-ara birge islesiwdi jáne de bekkemlew áhmiyetli ekeni atap ótildi.

N.Abduraimova, ÓzA