Italiyanıń Il Foglio gazetası tolıq jasalma intellekt tárepinen jaratılǵan dáslepki sanın basıp shıǵardı, dep xabar berdi The Guardian . Gazeta – tórt betlik.

Gazeta redaktorı Klaudio CHerazanıń aytıwınsha, bunday gazetanı shıǵarıwdan maqset – “jumıs islewimiz hám turmısımızǵa” jasalma intellekt qanshelli tásir kórsetip atırǵanın kórsetiw. Gazetanı tayarlaw procesinde jurnalistler jasalma intellektke tek ǵana sorawlar berdi hám onıń juwapların kóshirip aldı.
Tekstler, atamalar, citatalar, hátteki ókpe-giyneler – neyrotarmaqtıń dóretiwshilik ónimi bolıp tabıladı.
Gazetada “italiyalı trampshılar paradoksi,” Italiya ekonomikası, dáramat salıǵı reformalarına baǵıshlanǵan maqalalar bar. Ondaǵı bir maqala Vladimir Putinge baǵıshlanǵan.
Jasalma intellektli gazeta 18-marttan gazeta dúkanlarına tarqatıldı. Atap ótiliwinshe, gazetadaǵı barlıq maqalalar tártip penen jaylastırılǵan, túsinikli tilde jazılǵan, grammatikalıq qátelerden jıraq. Il Foglio jasalma intellekt penen tájiriybeni dawam etetuǵının hám ádettegi gazetanı da shıǵarıwdı toqtatpaytuǵının málim etken -dep málimleme beredi xabar.uz saytı.