22-mart- Máhálle sistemasınıń xızmetkerleri kúni. Usı múnásibet penen Oliy Majlis Nızamshılıq palatasınıń Demokratiyalıq institutlar hám puqaralıq jámiyetin rawajlandırıw máseleleri komiteti hám Ózbekstan máhálleleri associaciyası menen birgelikte «Máhálle institutınıń jámiyettegi rolin bekkemlewde parlamenttiń ornı» temasında dógerek sáwbeti ótkerildi.

Dógerek sáwbetinde máhálleniń jámiyettegi ornı hám rolin arttırıw baǵdarındaǵı reformalar haqqında sóz etilip, máhállelerdiń materiallıq-texnikalıq támiynatı xatlawdan ótkerilip, 252 sine jańa imarat qurılǵanı, 471 i ońlanǵanı, 59 ı rekonstrukciyalanǵanı aytıp ótildi. 2 mıń 755 siniń materiallıq-texnikası jaqsılanıp, 9 mıń 452 máhálle baslıǵına planshet berilgen. «Máhálle jetiligi» jumısı ushın «Sanlı máhálle» platforması engizilip, 40 tan aslam mámleketlik uyımlarlıń platformaları menen integraciyalandı.
Máhállelerdi jumıssızlıq, kámbaǵallıq, shańaraqlıq ajırasıwlar, migraciya hám jınayatshılıqtan jat aymaqqa aylandırıw maqsetinde 9 mıń 452 máhálle, 208 rayon hám qala, 14 aymaq, sonday-aq, respublikalıq «Qoymaxana dápter»leri qáliplestirildi.
Atap ótilgenindey, Oliy Majlis Nızamshılıq palatası hám Ózbekstan máhálleri associaciyası menen birgelikte tarawǵa baylanıslı normativlik-huqıqıy hújjetlerdiń orınlanıwı támiyinlenbekte.
Sonday-aq, dógerek sáwbetinde komitet tárepinen «Jámiyetlik qadaǵalaw haqqında»ǵı nızamnıń 14-statyasınıń orınlanıwı boyınsha Tashkent, Sırdárya hám Jizzaq wálayatları mısalında qadaǵalaw-tallaw tártibinde úyreniwlerdiń juwmaqları da kórip shıǵıldı.
Úyreniwlerde puqaralardıń ózin-ózi basqarıw uyımları tárepinen mámleketlik uyımlardıń lawazımlı shaxslarınıń esap-sanaqları hám málimlemesin tıńlaw nızam talapları tiykarında ámelge asırılmay atırǵanı anıqlanǵan. Sonıń menen birge, Ózbekstan máhálleleri associaciyası tárepinen 2024-jıldıń noyabr ayında mámleketlik uyımları mápdar shaxslardıń esap-sanaqların hám málimlemesin tıńlaw boyınsha respublikalıq kólemde kórgizbeli onlayn seminarlar shólkemlestirilgenine qaramastan, ayırım máhálleler tárepinen bul ilajlar dawam ettirilmegen.
Dodalawlarda deputatlar tárepinen bir qatar pikir-usınıslar berildi hám bul tarawda nátiyjeli parlamentlik qadaǵalawdı támiyinlewge kelisip alındı.

Muhtarama Komilova, ÓzA