Bunı xalıqaralıq qarjı shólkemleri de qollap-quwatlap, jańa biznes baǵdarları boyınsha aldıńǵı tájiriybe, innovaciya, texnologiya hám xalıqaralıq standartlardı engiziwge járdemlesiwge, bul ushın házirdiń ózinde 470 million dollar resurs ajıratıwǵa tayar.

Sonıń ishinde, Aziya rawajlanıw banki «Finanslıq en jayıw» baǵdarlaması sheńberinde kishi hám orta bizneske 100 million dollar, Evropa tikleniw hám rawajlanıw banki «jasıl» hám innovaciyalıq joybarlar ushın 200 million dollar, Franciya rawajlanıw agentligi hayal-qızlar isbilermenligi ushın 30 million evro ajıratpaqta.
Ushırasıwda usı shólkemlerdiń Ózbekstandaǵı wákilxanalarınıń basshıları shıǵıp sóylep, óziniń pikir-usınısların ayttı.
Mámleketimiz basshısı olar wákillik etip atırǵan strukturalarǵa kórsetilip atırǵan járdem ushın minnetdarshılıq bildirdi, birge islesiw jáne de keńeyiwi ushın barlıq sharayatlar jaratılatuǵının atap ótti.

Qaraqalpaqstan xabar agentligi