Prezident Shavkat Mirziyoevtiń kishi hám orta biznes wákilleri menen ushırasıwı dawam etpekte.

Jańa isbilermenler «ayaqqa turıp alıwı» ushın, ásirese, olar jumıs baslaǵan birinshi jılda qollap-quwatlaw júdá áhmiyetli ekenligi atap ótildi.
Máselen, sońǵı úsh jılda 17,5 mıń kárxana shólkemlestirilgenine bir jıl tolmastan saplastırılǵan. Ásirese, Samarqand, Qashqadárya, Xorezm, Jizzaq wálayatlarınıń juwapkerleri jańa kárxanalar menen islesiwde eń artta ekeni kórsetip ótildi.
«Bunnan bılay, isbilermenlikke endi qádem qoyǵanlar ushın «birinshi imkaniyat» principi engiziledi. Yaǵnıy, birinshi márte hákimshilik huqıqbuzıwshılıq islegen isbilermen juwapkershilikten azat etilip, kemshilikti saplastırıw ushın imkaniyat beriledi.
Bir sóz benen aytqanda, jańadan jumıs baslaǵan isbilermenler birinshi qáte ushın «juwapkershilikten qamsızlandırılǵan» boladı»,-dedi Prezident.

ÓzA