Prezident Shavkat Mirziyoevtiń kishi hám orta biznes wákilleri menen ushırasıwı dawam etpekte.

Biznesti qarjılandırıwda kolaylı derek sıpatında venchur fondlar ǵalaba en jaymaqta.
Ózbekstanda bes jılda venchur fondlardıń qatnasıwında 145 million dollarlıq 53 startap joybar ámelge asırıldı.
Bunıń ele az ekenligi atap ótilip, 9 mámleketlik bank 3 venchur kompaniya ashıp, 50 million dollarlıq fond qáliplestirgeni biznesti baslap atırǵan isbilermenler ushın júdá úlken imkaniyat ekeni atap ótildi.
– Eń áhmiyetlisi, bunday joybarlar ekonomikaǵa jańa baǵdar, texnologiya, innovaciya hám joqarı qosımsha qun alıp kiredi.
Startap arqalı jaratılǵan joqarı nátiyjeli innovaciyalıq ónim yamasa xızmetler texnikalıq reglament hám standartlarǵa kirgiziledi. Bul olarǵa mámleketlik buyırtpa ushın jol ashadı,-dedi Prezident.
Mámleketimiz basshısı venchur fondlar qarjısınıń bir bólegin jasalma intellekt joybarlarına baǵdarlaw usınısın qollap-quwatladı.

ÓzA