Qaraqalpaqstan Respublikası Densawlıqtı saqlaw ministrligi janında salamat turmıs tárizin qollap-quwatlaw, xızmetkerlerdiń dene shınıǵıwların ámelge asıratuǵın sport zalı hám jasıl qaplamalı sport maydanı bar.

Usı sport zalda Salamatlıq hám strategiyalıq rawajlanıw institutı Qaraqalpaqstan Respublikası aymaqlıq bóliminiń xızmetkerleri de óz salamatlıǵın oylaǵan halda dene shınıǵıwları menen turaqlı shuǵıllanıp turadı.
Ózbekstan Respublikası Prezidenti Sh.Mirziyoevtiń basshılıǵında 2025-jıl 13-fevral kúni olimpiada hám paralimpiada háreketin jáne de rawajlandırıw, ǵalabalıq sporttı jańa basqıshqa alıp shıǵıw hám xalıqtıń fizikalıq belsendiligin arttırıw ilajlarına baǵıshlanıp ótkerilgen videoselektor májilisinde “Sport – salamat xalıq, salamat jámiyettiń tayanısh ústini. Sonıń menen birge, sport – bul bárinen burın tınıshlıq elshisi, hár bir mámleket ushın milliy maqtanısh deregi,” dep atap ótken edi.
– Sport penen turaqlı shuǵıllanıw arqalı salamatlıǵımızdı bekkemlewge, ómirimizdi uzaytıwımızǵa, kún boyı tetik júriwimizge erisiwimiz múmkin,-deydi bul jerde turaqlı túrde dene tárbiyası shınıǵıwları menen shuǵıllanıwshılar. – Usı jerde bársheni óz salamatlıǵına biypárwa bolmaǵan halda sport penen turaqlı shuǵıllanıwǵa shaqıramız.

Qaraqalpaqstan xabar agentligi.