Ózbekstan Respublikası Prezidenti Shavkat Mirziyoev hám Qırǵız Respublikası Prezidenti Sadir Japarov 18-mart kúni telefon arqalı sóylesti.

Jetekshiler jaqınlasıp kiyatırǵan báhár hám jańalanıw bayramı – Nawrız múnásibeti menen bir-birin qızǵın qutlıqlap, dos xalıqlarımızǵa tınıshlıq hám abadanshılıq tiledi.
Ózbekstan jetekshisi Qırǵızstan Prezidentin sóylesiwler tabıslı juwmaqlanǵanı hám Qırǵızstan-Tájikstan mámleketlik shegarasın delimitaciyalaw haqqındaǵı shártnamaǵa qol qoyılǵanı menen de qutlıqladı.
Joqarı dárejedegi kelisimlerdi, bárinen burın, sawda, sanaat kooperaciyası, logistika, energetika, awıl xojalıǵı, turizm hám basqa tiykarǵı baǵdarlarda óz-ara paydalı birge islesiw joybarların ámelge asırıw máseleleri dodalandı.
Transport-logistika hám energetika infrastrukturasın rawajlandırıw boyınsha iri regionallıq joybarlardı jedellestiriw áhmiyetli ekenligi atap ótildi.
Ózbekstan hám Qırǵızstan jetekshileri bolajaq joqarı dárejedegi úsh tárepleme ushırasıwǵa, sonday-aq, Samarqand qalasında ótkeriletuǵın «Oraylıq Aziya – EA» sammiti hám Klimat forumına tayarlıq kóriw máselelerine ayrıqsha toqtap ótti.

ÓzA