Ózbekstan Respublikası Prezidenti Shavkat Mirziyoev 18-mart kúni Tájikstan Respublikası Prezidenti Emomali Rahmon menen telefon arqalı sóylesti.

Sóylesiw aldında mámleket basshıları jaqınlasıp kiyatırǵan Nawrız bayramı múnásibeti menen bir-birin qızǵın qutlıqlap, bekkem densawlıq, abadanlıq hám tabıslar, dos xalıqlarımızǵa tınıshlıq-paraxatshılıq hám rawajlanıw tiledi.
Joqarı dárejede qabıl etilgen kelisimlerdi ámelge asırıw máselelerine ayrıqsha itibar qaratıldı.
Jedel siyasiy sóylesiwdi dawam ettiriw, ekonomikanıń tiykarǵı tarmaqlarında kooperaciyalıq joybarlardı, jedel mádeniy-gumanitarlıq hám aymaqlararalıq almasıw baǵdarlamaların qollap-quwatlaw hám alǵa qoyıw zárúr ekenligi atap ótildi.
Mart ayınıń aqırında Tájikstanda bolajaq úsh tárepleme ushırasıwǵa hám bıyıl aprel-may aylarında mámleketimizde ótetuǵın «Oraylıq Aziya plyus» formatındaǵı sammitlerge tayarlıq kóriw máseleleri kórip shıǵıldı.

ÓzA