Elimizdiń Jenevadaǵı BMSh bólimi hám basqa da xalıqaralıq shólkemler boyınsha turaqlı wákili Eldiyor Toshmatov Jáhán intellektual múlk shólkemi (JIMSh) Ótiw dáwiri hám rawajlanǵan mámleketler bóliminiń baslıǵı Habib Asan menen ushırasıw ótkerdi. Sóylesiw dawamında struktura Bas direktorı Daren Tangtiń usı jıl 27-28-may kúnleri Ózbekstanǵa shólkemlestiretuǵın saparına baylanıslı tayarlıq máselesi dodalandı.

Bul abıraylı shólkemniń basshısı Oraylıq Aziyaǵa birinshi márte kelmekte. Atap ótilgenindey, 180 nen aslam mámleketti birlestiretuǵın JIMSh intellektual múlkti qorǵawdı muwapıqlastırıw, tarawda xalıqaralıq kelisimdi hákimshilik jaqtan basqarıwda úlken áhmiyetke iye. Ózbekstan 1991-jıldan aǵzası bolıp esaplanatuǵın JIMShtıń 20 ǵa shamalas xalıqaralıq hújjetin ratifikaciyalaǵan.
Habib Asan elimizdegi reformalar BMSh tárepinen tán alınıp atırǵanın atap ótip, respublikamızdıń intellektual múlkti rawajlandırıw, ekonomikaǵa innovaciya engiziw, aymaqlıq brendler jaratıw baǵdarındaǵı háreketlerin unamlı bahaladı.
Daren Tantgtiń Ózbekstanǵa keliwi JIMSh menen birge islesiwdi bekkemlew jolında áhmiyetli qádem bolatuǵını kútilmekte.

ÓzA