Bir qatar nızamlarǵa Ózbekstan Respublikası Prezidenti janındaǵı Sociallıq qorǵaw milliy agentligi tárepinen puqaralar (shańaraqlar)dıń maǵlıwmatların alıw hám qayta islew huqıqın názerde tutatuǵın ózgerisler hám qosımshalar kirgizilmekte.

Sonday-aq, «Insan» sociallıq xızmetler orayları tárepinen puqaralardıń sociallıq járdem hám xızmetlerden paydalanıw, sociallıq kartanı rásmiylestiriw haqqındaǵı arzalardaǵı qol tańbalardı notarial tastıyıqlaw talap etilmeytuǵını belgilenbekte.
Oliy Majlis Nızamshılıq palatasındaǵı Ózbekstan Ekologiyalıq partiyası frankciyasınıń májilisinde birinshi oqıwda kórip shıǵılǵan xalıqtı sociallıq qorǵaw sistemasın jetilistiriwge qaratılǵan nızam joybarında, áne, usı tártipler óz kórinisin tappaqta.
Májiliste atap ótilgenindey, «Insan» sociallıq xızmetler oraylarına shaxslarǵa sociallıq kartanı rásmiylestiriw (ámel etiw múddetin sozıw, almastırıw, saplastırıw)de tiyisli maǵlıwmatlar, sonıń ishinde, bank sırına baylanıslı maǵlıwmatlardı alıw huqıqı berilmekte.
Nızam joybarınıń qabıl etiliwi mútáj xalıqtıń sociallıq-ekonomikalıq jaǵdayın hár tárepleme bahalaw hám bul arqalı mámleket tárepinen kórsetiletuǵın sociallıq járdem hám xızmetlerdiń mánzilligin támiyinlewge xızmet etetuǵını atap ótildi.
Dodalawlarda frakciya aǵzaları joybardaǵı statyalardı jetilistiriw boyınsha bir qatar usınıs hám pikir-usınısların bildirdi.

M.Komilova, ÓzA