“Telegram”nıń tiykarın salıwshı Pavel Durov ózine qozǵatılǵan tergew boyınsha sud qadaǵalawı astında jasap atırǵan Franciyanı tárk etip, Dubayǵa jol aldı, dep xabar bergen «Trend» málimleme agentligi.

Atap ótiliwinshe, bul qarar mámlekettiń sud uyımları tárepinen maqullanǵan.
Esletip ótemiz, ótken jılı 24-avgust kúni Durov Parijdiń Le-Burje aeroportında qolǵa alınǵan. 28-avgust kúni dáslepki qamaqta uslaw múddeti juwmaqlanıp, isbilermen sudqa jiberildi. Tergewshi Durovtı altı túrli statya, sonıń ishinde jınayıy topar quramına nızamsız ámeliyatqa jol qoyıw maqsetinde onlayn platforma hákimshiligine qatnasıwda ayıpladı. Bunday huqıqbuzarlıq Parij prokuraturasınıń bildiriwine qaraǵanda, 10 jılǵa shekem qamaq hám 500 mıń evro járiyma menen jazalanıwı múmkin. Sudyanıń qararı menen ayıplanıwshı 5 million evro girew tólew minnetlemesi menen sud qadaǵalawına ótkerilgen edi.

Qaraqalpaqstan xabar agentligi