2025-jıl 14-mart kúni Prezidenttiń «Ónimler eksportı tártip-qaǵıydaların jetilistiriw hám qosımsha qunǵa iye tayar ónimler islep shıǵarıwdı xoshametlew ilajları haqqında»ǵı PP-47-sanlı Pármanı qabıl etildi.

Pármannıń mazmunı eksport tártip-qaǵıydaların Jáhán sawda shólkeminiń qaǵıydalarına muwapıqlastırıwdı názerde tutadı.
Hújjet penen 2025-jıl 1-iyulden baslap tómendegi 86 túrdegi tovarlarǵa eksport bajıxana bajları engizildi hám olardıń stavkaları tastıyıqlandı:
– Teri shiyki zat hám yarım tayar teri ónimi, pille shiyki zatı, paxta iyirilgen jibi hám trikotaj gezleme tovarlarına;
(Ámelde usı tovarlardı eksport etiw ushın associaciyalardıń jıyımları belgilengen bolıp, endigiden bılay olar biykar etildi.)
– Gósh ónimleri, biyday, dán, gúrish, mineral tóginler, bılǵarı shiyki zatı, PET shıǵındıları, reńli metall lom hám shıǵındılarına
(Ámelde bul tovarlarǵa Ózbekstan Respublikası Prezidenti yaki Húkimettiń qararları tiykarında ruqsat berilgen halda eksport etiw múmkin edi. Endi bul talaplar biykar etildi)
Ózbekstanda qosımsha qun jaratıw, qayta islew sanaatın qollap-quwatlaw maqsetinde respublikada islep shıǵarılatuǵın strategiyalıq shiyki zat ónimlerine (tábiyǵıy gaz, paxta talshıǵı, paxta linti, mineral tóginler, polietilen, polipropilen, polisterol, polietilentereftalat, PVX, mıs shiyki zat).
Atap ótiliwinshe, bul Párman:
– eksport tártip-qaǵıydaların jáne de jetilistiriw,
-jergilikli shiyki zat tiykarında qosımsha qunlı tayar ónim islep shıǵarıwdı xoshametlew,
– qayta islew sanaatınıń investiciyalıq tartımlılıǵın arttırıwǵa xızmet etedi-dep málimleme beredi xabar.uz saytı.

Qaraqalpaqstan xabar agentligi