Ózbekstan Respublikasınıń 2020-jıl 8-iyuldegi «Ań awlaw hám ańshılıq xojalıǵı haqqında»ǵı 627-sanlı Nızamdı hám Ministrler Kabinetiniń «Ózbekstan Respublikasınıń tábiyǵıy suw basseynlerinde balıq awlaw qaǵıydaların tastıyıqlaw haqqında»ǵı 2024-jıl 9-fevraldaǵı 80-sanlı qararına muwapıq Ámiwdárya hám Sırdáryada 11-marttan 31-mayǵa shekem, Qaraqalpaqstan Respublikası hám Xorezm wálayatındaǵı tábiyǵıy suw basseynlerinde 26-aprelden – 10 iyunǵa shekem balıq awlaw qadaǵan etiledi, dep xabar beredi xabar.uz.

Sonday-aq, basqa barlıq tábiyǵıy suw basseynlerinde 16-aprelden – 31-mayǵa shekemgi múddette balıq awlaw qadaǵan etiledi.
Joqarıda kórsetilgen dáwirler balıqlardıń órshiwi, yaǵnıy kóbeyiw waqtı esaplanadı. Balıqlar órshiw dáwirinde tuqım qoyadı hám násil kóbeytedi. Eger bul dáwirde balıqlar awlansa, olardıń sanı keskin azayıp, túrleri joǵalıw qáwipi tuwıladı.
Maǵlıwmat ushın, usı qarar burınǵısınan basqasha tárizde jasalma suw baseynleri yamasa irrigaciya tarmaqlarındaǵı intensiv balıq jetistiriw texnologiyası hám akvakulturaǵa, sonday-aq, tor (sadok) setkalarda balıq jetistiriliwi hám awlanıwına jol qoyılmaydı.
Qadaǵan etilmegen dáwir hám qadaǵan etilgen aymaqta balıq awlaw hám balıq awlaw qaǵıydaların buzǵanı ushın hákimshilik hám jınayıy juwapkershilikke sebep boladı.

Qaraqalpaqstan xabar agentligi