2025-jıldıń dáslepki eki ayında Programmalıq ónimler hám málimleme texnologiyaları texnologiyalıq parki IT hám servis xızmetlerin eksport etiwge qaratılǵan 204 jańa rezidentlerdi qabıllaǵan.
Programmalıq ónimler hám málimleme texnologiyaları texnologiyalıq parkten alınǵan maǵlıwmatlarǵa qaraǵanda, jańa rezidentler óz jumısınıń dáslepki jılında 2400 den salam jumıs orınların jaratıw arqalı mámlekettiń joqarı texnoloiyalar sektorın rawajlandırıw hám maman qánigelerdiń sanın kóbeytiwge úles qosıwdı rejelestirmekte. Biznes-rejege bola, olar eksportınıń maqsetli kólemi 31 million dollardan asıp, Arqa Amerika, Evropa Awqamı mámleketleri, Túrkiya, BAÁ, Qıtay hám basqa da mámleketlerdiń úlesine tuwra keledi.
Atap aytqanda, «Oneglobal» hám «Soluxe Events» kompaniyaları, AQSh, Hindstan hám ǴMDA mámleketlerindegi qarıydarlar ushın autsoring penen shuǵıllanadı. Túrkiyanıń «Bookingmaniaa» hám Hindstannıń «Inteli AI» kompaniyaları óz itibarların programmalıq támiynat islep shıǵıwǵa qaratadı.
Izraildıń «Servionix Solutions» hám «Smart Software Solutions» firmaları, sonday-aq, Gruziyanıń «Gegidze CA» kompaniyası programmalıq támiynattı optimallastırıw hám onı sırtqı bazarlarǵa sáykeslendiriw boyınsha jumıslardı shólkemlestiredi. Bul kompaniya 115 xızmetkerdi jumısqa alatuǵını haqqında daǵaza bergen.
Qaraqalpaqstan xabar agentligi