Oliy Majlis Senatına Belarus Respublikasınıń Ózbekstandaǵı elshisi A.Ogordnikov keldi.

Xalıqaralıq qatnasıqlar, sırtqı ekonomikalıq baylanıslar, sırt el investiciyaları hám turizm máseleleri komiteti baslıǵınıń orınbasarı O.Mamatkarimov penen ushırasıwda eki mámleket arasındaǵı sawda-ekonomikalıq, mádeniy-gumanitarlıq hám turizm tarawlarındaǵı birge islesiw dodalandı.
Eki mámleket arasındaǵı jıllıq sawda aylanısı 600 million AQSh dollarınan asqanı atap ótildi.
Belarus elshisi Minskte ótkerilgen birinshi Belarus – Ózbekstan turistlik forumı haqqında maǵlıwmat berip, usı jılı Tashkentte ekinshi forum ótkeriliwi rejelestirilgenin atap ótti. Sonday-aq, usı jıldıń 20-21-avgust kúnleri Vitebsk qalasında úshinshi Belarus-Ózbekstan hayal-qızlar forumı bolıp ótiwi málim etildi.
Ushırasıwda 5-9-aprel kúnleri Tashkentte Parlamentleraralıq awqamnıń 150-yubiley assambleyası ótkeriliwi hám onda 190ǵa shamalas mámleketten 2 mıńǵa shamalas parlament aǵzaları qatnasıwı dodalandı. Belarus delegaciyası usı ilajda joqarı dárejede qatnasatuǵını málim etildi.

N.Abduraimova,
ÓzA