“Áhmiyetli bir aylıq” ilajı sheńberinde respublikamızdaǵı kem támiyinlengen shańaraqlardı qollap-quwatlaw hám olardıń jasaw sharayatların jaqsılaw baǵdarında da bir qatar ilajlar ámelge asırılmaqta.

Usı maqsette Ózbekstan sawda-sanaat palatası Qaraqalpaqstan Respublikası basqarmasınıń baslaması menen “Muratbek mebel” JShJ direktorı, isbilermen M.Tańirbergenovtiń qáwenderligi esabınan Qońırat rayonında jasawshı járdemge mútáj 5 shańaraqqa zamanagóy asxana mebelleri jetkerip berildi.
Bunday sawaplı is nátiyjesinde bul shańaraqlar, endi taza hám qolaylı asxana mebellerinen paydalanıw imkaniyatına iye boladı.
Jańa asxana mebellerine iye bolǵan shańaraqlar isbilermenge hám taraw basshılarına shın kewilden minnetdarshılıq bildirip, jaqsı niyetler menen aq pátiyaların berdi.

Qaraqalpaqstan xabar agentligi.