«Shańaraq hám hayal-qızlardı qollap-quwatlaw sistemasın jáne de jetilistiriw ilajları haqqında»ǵı Prezident qararı qabıl etildi.

Qararǵa bola, 2025-jılı hayal-qızlardı qollap-quwatlawdıń tiykarǵı maqsetli kórsetkishleri etip tómendegiler belgilendi:
– 2 million hayal-qızlardıń bántligin támiyinlew;
-250 mıń hayal-qızlardı kásip-óner hám isbilermenlikke oqıtıw;
-250 mıń hayal-qızlardı joqarı bilimlendiriw menen qamtıp alıw;
-50 mıń mútáj hayal-qızlardı sanatoriylarda salamatlandırıw hám olarda isbilermenlik kónlikpelerin qáliplestiriw boyınsha motivaciyalıq seminarlar shólkemlestiriw.
“HAMROH” isbilermen hayal-qızlardı qollap-quwatlaw baǵdarlaması sheńberinde 2025-jıl 1-maydan:
-hayal-qızlarǵa «jasıl joybarlar» hám IT tarawındaǵı joybarlardı ámelge asırıwına, sonday-aq, keminde 5 hayal-qızlardıń isbilermenligin jolǵa qoyıwǵa járdemlesken 1 mıń «ustaz» isbilermenlerge 50 million sumǵa shekem grant ajıratıw jolǵa qoyıladı;
-unamlı kredit tariyxına iye bolǵan hayal-qızlarǵa 100 mln sumǵa shekem girewsiz kredit ajıratıladı;
-xayal isbilermenler tárepinen kredit esabınan satıp alınıp atırǵan ásbap-úskeneler jetkerilip berilgenge shekem «Isbilermenlikti rawajlandırıw kompaniyası» AJ tárepinen kepillik beriliwi jolǵa qoyıladı.
Qararǵa muwapıq, tómendegi imkaniyatlarǵa iye «Isbilermen hayal-qızlar» platforması 2025-jıl 1-iyulǵa shekem iske qosıladı:
-xayal-qızlarǵa shiyki zat satıp alıwǵa járdemlesiw;
-óz-ara kooperaciyanı keńeytiw hám ónimlerdi satıw ushın bazar tabıw;
-joybarlar sheńberinde payda bolıp atırǵan mashqalaların anıqlaw hám olarǵa sheshim tabıw.
2025-jıl 1-maydan tómendegilerdi názerde tutıwshı «Birge islesiwshi isbilermen» baǵdarlaması jolǵa qoyıladı:
-óz biznesin shólkemlestirmekshi bolǵan hayal-qızlarda isbilermenlik kónlikpelerin qáliplestiriw;
-kooperaciya tiykarında hayal-qızlardıń isbilermenlik jumısın jolǵa qoyıwǵa járdemlesiw;
-jergilikli hám xalıqaralıq elektron platformalarda hayal-qızlarǵa óz ónimlerin jaylastırıw hám satıwǵa járdemlesiw.
2025-jıl 1-avgustqa shekem Hayal-qızlar isbilermenligin qollap-quwatlaw baǵdarında qarjılay xızmetler kórsetiw strategiyası tastıyıqlanadı.
Jetekshi isbilermen hayal-qızlardan ibarat Isbilermen hayal-qızlar keńesi shólkemlestiriledi.

ÓzA