Ózbekstan Respublikası Prezidentiniń qararı

Ullı ӯatanlasımız, islamiy ilimlerdiń raӯajlanıӯına úlken úles qosqan ullı ulama, kalom iliminiń sultanı Imam Ábiӯ Mansur Maturidiydiń (Keyingi orınlarda – Imam Maturidiy) ibratlı ómir jolı hám bay ilimiy-aǵartıӯshılıq miyrasın hár tárepleme tereń úyreniӯdi xoshametleӯ, Maturidiylik talimatına tán keńpeylilik hám turaqlılıq principlerin xalqımız hám dúnya jámiyetshiligi arasında keńnen úgit-násiyatlaӯ, jaslardı Ӯatanǵa muhabbat, milliy hám ulıӯmainsanıylıq qádiriyatlarǵa húrmet ruwxında tárbiyalaӯ maqsetinde qarar etemen:
1. Din isleri boyınsha komitet, Ózbekstan musılmanları mákemesi, Samarqand ӯálayatı hákimligi, Ózbekstan xalıqaralıq islam akademiyası, Imam Maturidiy xalıqaralıq ilimiy-izertleӯ orayınıń 2025-jılı Imam Maturidiydiń tuӯılǵan kúniniń 1155 jıllıǵın keńnen belgileӯ haqqındaǵı usınısı maqullansın.
2. Imam Maturidiy tuӯılǵan kúniniń 1155 jıllıǵına baǵıshlanǵan ilajlarǵa tayarlıq kóriӯ hám olardı ótkeriӯ boyınsha shólkemlestiriӯ komiteti (keyingi orınlarda – Shólkemilestiriӯ komiteti) quramı qosımshaǵa muӯapıq tastıyıqlansın.
3. Shólkemlestiriӯ komiteti (A.Aripov) eki hápte múddette Imam Maturidiy tuӯılǵan kúniniń 1155 jıllıǵın ulamanıń islam álemindegi abıray-mártebesine múnásip túrde joqarı dárejede belgileӯ boyınsha tómendegilerdi názerde tutatuǵın ilajlar baǵdarlamasın tastıyıqlasın:
(a) 2025-jıl aprel ayında Samarqand qalasında «Maturidiylik –keńpeyillik, turaqlılıq hám aǵartıӯshılıq talimatı» temasında xalıqaralıq ilimiy-ámeliy ánjuman ótkeriӯ;
(b) sırt elli izertleӯshiler arasında Maturidiylik talimatı boyınsha ilimiy tańlaӯ ótkeriӯ, jeńimpazlardıń qatnasıӯında Ózbekstanda mádeniy-aǵartıӯshılıq ushırasıӯ hám seminar-treningler shólkemlestiriӯ;
(v) Imam Maturidiydiń «Tavilot al-Quron» hám «Kitob at-tavhid» shıǵarmaları hám Maturidiylik talimatına baylanıslı dáreklerdiń ózbek hám shet tillerindegi ilimiy-túsindirme akademiyalıq aӯdarmaların basıp shıǵarıӯ;
(g) Imam Maturidiy tuӯılǵan kúniniń 1155 jıllıǵına baǵıshlanǵan estelik suvenirlerin aylanısqa shıǵarıӯ hám pochta markaları, kalendarlar, ullı oyshıldıń ómiri hám ilimiy miyrasın sáӯlelendirip beretuǵın basqa kórgizbeli málimleme quralları dúrkinin jaratıӯ;
(d) Imam Maturidiydiń kop qırlı ómir jolı hám ilimiy miyrasınıń búgingi kúndegi áhmiyetin ashıp beretuǵın kórkem-publicistikalıq film jaratıӯ;
(e) Samarqand ӯálayatında Imam Maturidiydiń hám Maturidiylik talimatı baǵdarında jumıs alıp barǵan ulamalardıń ómiri, ilimiy hám dóretiӯshilik miyrasına baǵıshlanǵan shıǵarmalardıń siyrek ushırasatuǵın qoljazba hám basılım nusqaları hám kitaplarınıń kórgizbesin shólkemlestiriӯ;
(j) Samarqand qalasındaǵı Ábiӯ Mansur Maturidiy kompleksin qayta ońlaӯ hám abadanlastırıӯ.
4. Joqarı bilimlendiriӯ, ilim hám innovaciyalar ministrligi:
(a) Din isleri boyınsha komitet penen birgelikte 2025-jıl may hám oktyabr aylarında Sharaf Rashidov atındaǵı Samarqand mámleketlik universitetinde Joqarı bilimlendiriӯ mákemelerin raӯajlandırıӯ qorı esabınan «Maturidiylik talimatı hám házirgi zaman» temasında respublikalıq ilimiy-ámeliy konferenciyasın hám ilimiy maqalalar tańlaӯın ótkersin;
(b) Maturidiylik talimatına baylanıslı ilimpazlardıń ilimiy miyrası hám siyrek ushırasatuǵın qoljazba shıǵarmaların úyreniӯ boyınsha Ilimdi qarjılandırıӯ hám innovaciyalardı qollap-quӯatlaӯ qorı qarjıları esabınan ámelge asırılatuǵın ilimiy-izertleӯ jumıslarına mámleketlik buyırtpasın belgilengen tártipte qáliplestirip barsın.
5. Ózbekstan musılmanları mákemesine imam-xatibler hám diniy bilimlendiriw mákemeleri studentleri arasında «Maturidiylik talimatı bilimdanı» tańlawın ótkeriw hám jeńimpazlardı múnásip sıylıqlaw usınıs etilsin.
6.Qaraqalpaqstan Respublikası Ministrler Keńesi, wálayatlar hám Tashkent qalası hákimlikleri Din isleri boyınsha komitet, Respublikalıq Ruwxıylıq hám aǵartıwshılıq orayı, Jaslar isleri agentligi, Ózbekstan Jazıwshılar awqamı menen birgelikte 2025-jıl dawamında orınlarda Imam Maturidiydiń ilimiy miyrasına baǵıshlanǵan dógerek sáwbetlerin shólkemlestirsin.
7. Imam Maturidiy xalıqaralıq ilimiy-izertlew orayı Mádeniy miyras agentligi menen birgelikte:
a) sırt ellerde saqlanıp atırǵan Imam Maturidiy hám maturidiylik talimatına tiyisli ilimpazlardıń ómiri hám ilimiy miyrasına baylanıslı siyrek ushırasatuǵın qoljazba shıǵarmalar hám basqa mádeniy baylıqlardı anıqlaw, olardıń nusqaların Ózbekstanǵa alıp keliw hám izertlewdi sistemalı túrde shólkemlestirsin;
b) Imam Maturidiydiń ómiri hám ilimiy jumısına baǵıshlanǵan joqarı sapalı mediaónimler hám audiovizual shıǵarmalar jaratıw, olardı jergilikli hám sırt el ǵalaba xabar qurallarında járiyalaw, internet tarmaǵı hám sociallıq tarmaqlarda keńnen úgit-násiyatlaw ilajların kórsin.
7. Ózbekstan Milliy málimleme agentligi, Ózbekstan Milliy teleradiokompaniyası, «Dunyo» málimleme agentligi hám Ózbekstan milliy media associaciyasına Imam Maturidiy tuwılǵan kúniniń 1155-jıllıǵın belgilew menen baylanıslı ilajlardı keńnen sáwlelendirip barıw usınıs etilsin.
8. Usı qarardıń orınlanıwın qadaǵalaw Ózbekstan Respubliksı Bas ministri A.N.Aripov hám Ózbekstan Respublikası Prezidentiniń keńesgóyi R.Q Davletovqa júklensin.

Ózbekstan Respublikası
Prezidenti Sh.Mirziyoev
Tashkent qalası,
2025-jıl 14-mart