AQSh Prezidenti Donald Tramp hákimshiligi Rossiya qarjı institutları menen energiya ushın tólem ámelge asırıwǵa ruqsat beriwshi licenziya múddetiniń tamam bolǵanın málim etti. Bul haqqında «Kazinform» agentligi «Global Banking» xızmetine súyenip jazǵan.

Ǵaznashılıq wákiliniń sózlerine bola, rejelestirilgenindey, «8L bas licenziyası» 12-mart kúninen kúshin joyıtqan. Endi «Sberbank», VTB hám RF Oraylıq banki AQSh tólem sistemasına kire almaydı. Bunnan tısqarı «Gazprom neft» hám «Surgutneftegaz» energetika kompaniyaları, sonday-aq, Rossiya neftin tasıwshı 183 keme, sonıń ishinde, Batısqa qaraslı bolmaǵan kompaniyalar tárepinen basqarılatuǵın eskirgen tankerler jasırın flotı menen de dollar ámeliyatı qadaǵan etiledi.
Еnergetika siyasatı boyınsha izertlew toparı «ClearView Energy Partners» ruqsatnama múddetiniń tamam bolıwı ayırım úshinshi mámleketler process qıyınshılıǵı múnásibeti menen RF neftti satıp alıwın toqtatıwı múmkin ekenligin boljadı.
Esletip ótemiz, Bayden hákimshiligi 2022-jıl fevralda neft bahası global kólemde artıwına jol qoymaw ushın energiya ámeliyatı boyınsha licenziya engizgen.
Aldınıraq Rossiya tárepi áskeriy háreketti toqtatıw boyınsha usınısqa razı ekenligi, biraq belgili bir shártleri bar ekenligi haqqında xabar bergen.

S.Rahimov, ÓzA