Oliy Majlis Senatına Germaniya xalıqaralıq birge islesiw jámiyeti (GIZ)niń «Oraylıq Aziyada zorlıq ekstremizmiiniń aldın alıw» joybarınıń basshısı Shtefan Buxmaer keldi.

Senattıń Jaslar, hayal-qızlar, mádeniyat hám sport máseleleri komitetiniń baslıǵı O.Qozixanova menen ushırasıw dawamında GIZ tárepinen ámelge asırılıp atırǵan joybar sheńberinde jaslar menen islesiw boyınsha mámleketlik baǵdarlamalardı ámelge asırıwǵa járdemlesiw, zorlıqqa tiykarlanǵan ekstremizmniń aldın alıwda hayal-qızlardıń qatnasın keńeytiw hám uyımlararalıq birge islesiwdi bekkemlew máseleleri dodalandı.
Sh.Buxmaer házirgi kúnde Ishki isler ministrligi, Bas prokuratura, Huqıq qorǵaw akademiyası, Shańaraq hám hayal-qızlar komiteti bir qatar shólkemler menen tıǵız birge islesiw jolǵa qoyılǵanın atap ótti. Bul joybar mámleketlik hám puqaralıq jámiyettiń zorlıqqa tiykarlanǵan ekstremizmniń aldın alıw boyınsha háreketlerin qollap-quwatlawǵa, ásirese, ázzi toparlardıń radikallasıwǵa qarsı shıdamlılıǵın arttırıwǵa qaratılǵan.
Ushırasıw sońında tárepler birge islesiwdi bekkemlew hám keleshektegi birge islesiw baǵdarların jáne de rawajlandırıw boyınsha kelisimge eristi.

N.Abduraimova,
ÓzA