Mámleketimiz basshısı sud sistemasında korrupciyalıq qáwip-qáterlerdiń aldın alıw, ádil sudlawdıń sapası hám nátiyjeliligin arttırıw bárqulla dıqqat orayında bolıwı zárúr ekenligin atap ótti.

Sudlardıń jumısına hár qanday aralasıw – bul ádil sudlawǵa saya salıw dep bahalanıwı hám bul boyınsha soraw da, juwapkershilik te qattı bolatuǵını haqqında hámmeni eskertti.
Korrupciyaǵa qarsı gúresiw boyınsha milliy keńestiń keńeytilgen májilisinde atap ótilgen usınday pikirler boyınsha Tashkent qalası sudı baslıǵınıń orınbasarı – ekonomikalıq isler boyınsha sudlaw kollegasınıń baslıǵı Ibrohim Alimov múnásibet bildirdi:
– Prezidentimizdiń sud sistemasına baylanıslı qatań talap hám usınısları tarawǵa bolǵan itibar bolıwı menen bir qatarda ádil sudlawdı sózsiz támiyinlewge qaratılǵan wazıypa bolıp ta esaplanadı.
Bul wazıypalardan kelip shıǵıp, keshe Joqarǵı sud baslıǵı respublikanıń barlıq sudlarınıń sudyaları hám sud apparatanıń xızmetkerlerine múrájat jollap, onda sud sistemasın ádil, pák kadrlar menen tolıqtırıw, olardıń tájiriybesin turaqlı túrde arttırıp barıw, sonday-aq, sud hákimiyatınıń erkinligi principine ámel etiw zárúr ekenligi atap ótildi.
Sud xızmetkerleri tárepinen nemquraydılıq, byurokratizm hám hár qıylı lawazımınan paydalanıwlardı saplastırıw, sudlarda islerdiń óz waqtında kóriliwin qadaǵalawdıń nátiyjeli sistemasın jaratıw maqsetinde tarawdı sanlastırıw, korrupciyalıq qáwip-qáterlerdi azaytıw hám insan faktorın sezilerli dárejede qısqartıwǵa erisip kelinip atırǵanı atap ótildi.
Zamanagóy málimleme-kommunikaciya texnologiyaların jáne de keńnen engiziw arqalı sudlar jumısınıń ashıq-aydınlıǵı hám operativligin támiyinlew, sud islerin alıp barıw sapası hám xalıqtıń ádil sudlawǵa erisiw dárejesin arttırıw jumıslarınıń jetilistirilgeni aytıldı.
Prezidentimizdiń bayanatı hám Ádil sud baslıǵınıń múrájatına juwap retinde «Ádil sudlaw – jámiyet abadanlıǵınıń tiykarı» ideyası tiykarında birlespekte.
Kelesi jumısımızda sud sistemasında korrupciyalıq qáwip-qáterlerdiń aldın alıw hám bunday jaǵdaylarǵa mawasasız múnásibet tolıq qáliplesedi.
Sud sistemasında ádillik hám páklik ornatılıp, sudlarda islerdiń óz waqtında kóriliwi támiyinlenedi. Puqaralardı artıqsha áwere etpesten, nemquraydılıqqa jol qoymastan sudlar jumısınıń ashıq-aydınlıǵı hám tezligin támiyinlewge erisiledi.
Nızamlı hám ádil qararlar qabıl etken halda sud sistemasınıń abırayın jáne de arttırıw, xalıqshıl hám ádalatlı sud sistemasın jaratıwda bar kúsh-ǵayratımız benen miynet etemiz.

ÓzAnıń xabarshısı
Norgul ABDURAIMOVA
jazıp aldı.