Qońırat rayonında da “Áhmiyetli bir aylıq” dawamında egislik maydanlardıń shetine alsha, behi, tut hám basqa da miywe nállerin egiw jumıslarına itibar qaratılmaqta,-dep xabar bermekte hákimlik baspasóz xızmeti.

Usı maqsette, barlıq máhállelerde “Jasıl mákan” ulıwma milliy joybarı sheńberindegi jumıslardı jedellestiriw maqsetinde arzanlastırılǵan miyweli hám sayamanlı terek nálleriniń yarmarkası da shólkemlestirildi.
Máhálle turǵınları ózlerine tiyisli qıytaq jerler hám turaq jaylardıń aldındaǵı bos turǵan jerlerge, atız shetlerine, kanallar, kollektor-drenaj tarmaqları átirapındaǵı maydanlarǵa nál egiw jumısların baslap jiberdi.
Álbette, xojalıqlar hám kóp qabatlı turaq jaylardıń aldı, máhálleniń ishki kóshelerinde ónim jetistiriw, awıl xojalıǵı subyektlerine tuqım hám nállerdi jetkeriw, jetistirilgen ónimlerdi eksportqa baǵdarlawdı shólkemlestiriw wazıypası eń áhmiyetli wazıypalardıń biri sanaladı.
Bul baǵdardaǵı ilajlar orınlarda nátiyjeli dawam etpekte.

Qaraqalpaqstan xabar agentligi.