Ózbekstan, Qırǵızstan hám Tájikstan Nawrız bayramın birgelikte belgileydi.

Bul haqqında Bishkekte bolıp ótken Qırǵızstan hám Tájikstan basshıları arasındaǵı sóylesiwler waqtında Sadir Japarov málim etti.

Qırǵızstan prezidenti xalıqlar arasındaǵı isenimdi bekkemlew áhmiyetli ekenligin, onda bolsa birgeliktegi mádeniy ilajlar ayrıqsha orın iyeleytuǵının atap ótti.
– Usı jerde 31-mart kúni Xojend qalasında belgilenetuǵın Nawrız bayramınıń áhmiyetin ayrıqsha atap ótpekshimen. Men mirát etkeni ushın minnetdarshılıq bildiremen hám qatnasatuǵınımdı tastıyıqlayman. Nawrız bayramın birgelikte belgilew Oraylıq Aziya xalıqlarınıń tınıshlıǵı hám birliginiń belgisi bolǵan jaqsı dástúrge aylanatuǵınına isenemen,-dedi Qırǵızstan basshısı.
Óz gezeginde, Еmomali Rahmon Sadir Japarovqa Qırǵızstan, Tájikstan hám Ózbekstan prezidentleriniń Xojendte bolıp ótetuǵın úsh tárepleme ushırasıwında qatnasatuǵının tastıyıqlaǵanı ushın minnetdarshılıq bildirdi.
Atap ótiliwinshe, ilajda prezidentler qatnasadı.

Qaraqalpaqstan xabar agentligi