Aldın xabar berilgenindey, 2024-jıl 29-oktyabr kúni Moynaqqa jańa ishimlik suwı liniyasın tartıw jumıslarına start berilip, bul jumıslar házirgi waqıtta qızǵın dawam etpekte.

Jańa suw liniyası 5 mıń kub metr suwdı jetkeriw hám 1300 den aslam xojalıqtı taza ishimlik suwı menen támiyinlew imkaniyatına iye.
Joybar Aziya rawajlandırıw banki esabınan qarjılandırılıp, joybar bahası 8,21 million dollardan ibarat.
Joybar tiykarında Moynaq rayonındaǵı Qızıljar APJnıń Áliy awılı, Hákim ata APJnıń Doslıq awılı, Mádeli APJnıń Shege awılı, Bozataw APJnıń Ámiwdárya, Qıpshaqdárya, Tallıq awılları, Úshsay APJnıń Úshsay, Toqpaq ata awıllarına hám rayon orayındaǵı mákan puqaralar jıyınları aymaqlarına Túye moyın suw saqlaǵıshınan ishimlik suwı jetip baradı.
Házirgi waqıtta bul jumıslar rayondaǵı Qızıljar APJ aymaǵındaǵı «Áliy awılı» awılında alıp barılmaqta.
Aldın bunday jumıslar Bozataw APJnıń Tallıq, Qıpshaqdárya awıllarında alıp barılǵan edi.

Qaraqalpaqstan xabar agentligi