Aldın xabar bergenimizdey, Qanlıkól rayonında “Jasıl mákan” ulıwma milliy joybarı sheӊberinde ilajlar baslanıp, xalıqaralıq dárejedegi A-380 “Gúzar-Buxara-Nókis-Beynew” avtomobil jolınıń hár eki tárepine terek nállerin otırǵızıw jumısların ámelge asırıw háreketleri baslanıp ketti.

Bunnan basqa, elimizdegi ekologiyalıq jaǵdaydı jaqsılaw, máhálleler aymaǵın abadanlastırıw, fermerlerdiń atız shetlerine nál egiw, jeke menshik qıytaq jerler menen turaq jaylardıń átirapların tártipke keltiriw boyınsha ilajlar da ámelge asırılmaqta.
Usı ilajlarǵa Qanlıkól rayonı Sanitariyalıq-epidemiologiyalıq tınıshlıq hám jámiyet salamatlıǵı bólimi xızmetkerleri de belsene qatnaspaqta. Bólim xızmetkerleri tárepinen A-380 avtomagistralı boyındaǵı bos turǵan ashıq maydanlar nál egiwge tayarlanıp, tógin berildi. Sonday-aq, hár qıylı terek hám gúl nálleri egilip, abadanlastırıw, kókelemzarlastırıw jumısları ámelge asırılmaqta.

Qaraqalpaqstan xabar agentligi