Balalar ombudsmanına ótken jılı Ózbekstan Respublikası hám sırt mámleketler puqaraları, ombudsmanlar, puqaralıǵı bolmaǵan shaxslar, jámiyetlik shólkemler hám basqa yuridikalıq tárepler tárepinen jámi 1 mıń 64 múrájat kelip túsken. 2023-jılǵa salıstırǵanda múrájatlar salmaǵı 2,4 esege artqan.

Bul maǵlıwmatlar Ózbekstan Respublikası Oliy Majlisi Senatınıń Jaslar, hayal-qızlar, mádeniyat hám sport máseleleri komiteti májilisinde atap ótildi.
Májiliste Oliy Majlistiń Bala huqıqları boyınsha wákili (Balalar ombudsmanı)nıń bala huqıqları haqqındaǵı nızamshılıqqa mámleketlik uyımlar tárepinen ámel etiliwi haqqındaǵı bayanatı kórip shıǵıldı.
Atap ótilgenindey, 2024-jılı bala huqıqları tarawındaǵı nızamshılıqtaǵı mashqalalardı tallap alıw tiykarında mámleketlik uyımları menen shólkemlerine 40 tallap alınǵan málimlemer kirgizilgen.
Puqaralardıń múrájatları hám balalarǵa baylanıslı payda etilgen jınayatlarǵa tiyisli sud xabarnamaları tiykarında Balalar ombudsmanı hám onıń sekretariatı xızmetkerleri 46 puqaralıq, jınayıy hám hákimshilik isler boyınsha sudlarda baqlawshı sıpatında qatnasqan.
Bala huqıqları boyınsha wákildiń 35 jeke qabıllawı shólkemlestirilgen bolıp, olarda fizikalıq hám yuridikalıq táreplerdiń jámi 160 múrájati kórip shıǵılǵan.
Balalar ombudsmanı múrájatlar tallap alınıwı hám monitoringi tiykarında mámleketlik uyımlar tárepinen bala huqıqları hám nızamlı mápleri buzılıwına jol qoyılǵanı boyınsha múnásibet bildirip, 9 eskertiw, 3 usınıs xatı, 18 juwmaq hám sud hújjeti ústinen protest keltiriw haqqında 6 ótinish xatın kirgizgen.
Ilajda ministrlik hám uyımlar wákilleriniń Ózbekstan bala huqıqları hám nızamlı máplerin támiyinlew tarawındaǵı reformlar, nızam menen qarama-qarsılıqta bolǵan balalardıń jaǵdayı hám ayırım tarawlarda balanıń eń joqarı máplerin támiyinlewge baylanıslı máseleler boyınsha pikir usınısları tıńlandı.
Májilis juwmaǵında kórip shıǵılǵan másele boyınsha komitettiń tiyisli qararı qabıl etildi.

ÓzA